Олег Болякин әлем чемпионатын қорытындылады

Шайбалы хоккейден Қазақстан құрамасының бас бапкері команда 2025 жылғы әлем чемпионатында барынша тырысқанын айтып, турнирден кейінгі ойын мен жалпы жағдайға баға берді, деп хабарлайды Sport12.kz

– Ойыншыларға кінә тағуға негіз жоқ. Олар қолдарынан келгенін істеді, барынша күресті. Бір голмен жеңіске жету қиын.

Команданың функционалдық жағдайы көңіл көншітпейді. 2-ші және 3-ші кезеңдерде шаршау байқалады. Дегенмен, жігіттерге алғысымды айттым. Бұл өмірдегі соңғы сәт емес. Егер бірінші дивизионға түсіп қалсақ, онда қайта оралу үшін жұмыс істеуіміз керек. Ол үшін не қалайтынымызды түсініп, соған қарай әрекет етуіміз қажет.

Жауапкершілік әрқашан бапкерден сұралады. Мен бұдан қорықпаймын, жауапкершілікті өз мойныма аламын. Бірақ бәрін тек жаттықтырушыларға артып қою дұрыс емес. Ойыншылар да жауап беруі тиіс. Біз кәсіби түрде жұмыс істедік, тырыстық, сендірдік, дайындықты шын ниетпен өткіздік. Алайда алаңға шығатын – ойыншылар. Сондықтан оларға да сұрақтар болуы керек, – деді бапкер.