Бүгін дзюдодан Әлем чемпионатында Ғұсман Қырғызбаев ел намысын қорғайды

Мажарстан астанасы Будапештте өтіп жатқан дзюдодан Әлем чемпионатында Қазақстан құрамасынан бүгін Ғұсман Қырғызбаев (66 келі) ел намысын қорғайды, деп хабарлайды Sport12.kz.

Отандасымыз өзінің алғашқы белдесуінде Мартин Сетц (Германия) мен Цзыян Сюэ (Қытай) жұбының жеңімпазымен кездеседі. 

Ғұсман Қырғызбаев 1992 жылы дүниеге келген. 2021 жылғы әлем чемпионатының күміс жүлдегері, 2019 және 2022 жылдары өткен Азия біріншіліктерінің қола медаль иегері болды. 2024 жылы Париж Олимпиадасында үздік үштікті түйіндеді.

Қазірге дейін әлем чемпионатында ел құрамасынан Әбиба Әбужақынова (48 келі) күміс жүлдегер атанса, Мағжан Шамшадин (60 келі), Шерзод Давлатов (60 келі), Ғалия Тынбаева (48 келі) жарысты ерте аяқтады. 

Енді ел құрамасынан 15 маусымда Есет Қуанов (72 келі), 16 маусымда Эсмигүл Куюлова (63 келі), Абылайхан Жұбаназар (81 келі), 17 маусымда Мейірлан Максим (90 келі) сайысқа түседі.

Сондай-ақ 18 маусымда Нұрлыхан Шархан (100 келі) және Марат Байкамуров (100 келі), 19 маусымда Ерасыл Қажыбаев (100 келіден жоғары) жүлдені сарапқа салады.

Дзюдодан әлем чемпионаты 13-20 маусым аралығында өтеді. Онда 92 елден келген 566 спортшы 14 салмақта жүлдеге таласады.