Дзюдодан ӘЧ: 19 маусымда ел құрамасынан Ерасыл Қажыбаев сайысқа түседі 

Мажарстан астанасы Будапештте өтіп жатқан дзюдодан әлем чемпионатында Қазақстан құрамасынан 19 маусымда Ерасыл Қажыбаев (100 келіден жоғары) жүлдені сарапқа салады, деп хабарлайды Sport12.kz.

Қазірге дейін әлем чемпионатында ел құрамасынан Әбиба Әбужақынова (48 келі) күміс жүлдегер атанды. 

Ал Мағжан Шамшадин (60 келі), Шерзод Давлатов (60 келі), Ғалия Тынбаева (48 келі), Ғұсман Қырғызбаев (66 келі), Есет Қуанов (72 келі), Эсмигүл Куюлова (63 келі), Абылайхан Жұбаназар (81 келі), Мейірлан Максим (90 келі), Нұрлыхан Шархан (100 келі), Марат Байқамұров (100 келі) жарысты ерте аяқтады.

Дзюдодан әлем чемпионаты 13-20 маусым аралығында өтіп жатыр. Қазақстан сапынан елдің үздік 12 дзюдошысы бақ сынауда.

Дүбірлі додада 92 елден келген 566 спортшы 14 салмақта жүлдеге таласады.