6 сағат бұрын
Алматыда дзюдодан халықаралық семинар өтті
Фото: Қазақстан дзюдо федерациясы
Алматыда дзюдо төрешілері мен жаттықтырушыларына арналған халықаралық семинар аяқталды, деп хабарлайды Sport12.kz.
Семинар Халықаралық дзюдо федерациясы мен Азия дзюдо одағының жоғары дәрежелі сарапшыларының жетекшілігімен өтті. Олардың қатарында Даниэл Ласкау, Армен Багдасаров, Осака Акинобу, Набель Мохаммед Абдрабалнаби, Асхат Житкеев және Халықаралық дзюдо федерациясының төрешілер комиссиясының мүшесі Франк Дотеч болды.
Семинарға Қазақстан, Польша, Египет, Оңтүстік Корея, Қырғызстан, Үндістан, Иран, Нидерланд, Жапония және Сауд Арабиясынан келген 80 төреші қатысты. Мамандар тәжірибе алмасып, кәсіби дағдыларын жетілдіріп, төрешілік стандарттарды халықаралық талаптарға сәйкестендіруге назар аударды.
