Ғалымжан Жылгелдиев: Елдос Сметов әлі жас спортшы

Дзюдодан Париж Олимпиадасының чемпионы Елдос Сметовтың жеке бапкері Ғалымжан Жылгелдиев шәкіртінің спорттық мансабын аяқтауына қатысты пікірін білдірді деп хабарлайды Sport12.kz AQYRYS SEITKAZY-ның арнасына сілтеме жасап.

- Салыстырмалы түрде Елдос әлі жас спортшы. Әлемдік деңгейге назар аударсаңыз, 40 жастағы Криштиану Роналду әлі де доп теуіп, жүлде алып жүр. 5 дүркін Олимпиада чемпионы Михаин Лопестің (Куба) жасы 42-де. Бірақ 2008 жылдан бергі жазғы Олимпиада ойындарында қарсылас шақ келтіріп жүрген жоқ. Күресемін деген адам жасқа қарамау қажет. Елдостың өзі де айтып жатыр ғой: «3 Олимпиадада күресіп, енді ғана қалай белдесу керектігін түсініп жатырмын». Елдосқа еш таңғалмаймын. Ұтамын десе, ұтады. Париж Олимпиадасының финалы алдында да маған жеңемін, еш уайымдамаңыз деген.

Сондай-ақ бапкер отандық спортшыларымыз тарихты одан әрі жаңғырта беру керектігін алға тартты.

-      Әбиба әлем чемпионаттарында қола медаль алып жүр еді. Өткен айда ғана финалға шыққан алғашқы қазақ аруы атанды. Сол секілді Елдос та 2 дүркін Олимпиада чемпионы атануды көздейді. Бір жетістікпен тоқмейілсімеу қажет. Әр спортшы мақсат қоюын тоқтатпау қажет деді, - Ғалымжан Жылгелдиев.

Айта кетейік, Париж Олимпиадасынан кейін Елдос Сметов әлі тынығып жатыр.

Біздің серіктес: 200 000 фрибетті ұтысқа саламыз – арнаға жазыл және батырманы бас