Қазақстандық дзюдошы әлем чемпионатын алғашқы айналымда аяқтады

27–31 тамыз аралығында Софияда өтіп жатқан дзюдодан кадеттер арасындағы әлем чемпионатында Қазақстан құрамасы үшінші жарыс күнін жеңіліспен бастады.

Алматылық дзюдошы Азима Серік 63 кг салмақ дәрежесінде бақ сынады. Алайда қазақстандық спортшы алғашқы белдесуде-ақ жарысты аяқтады. Бірінші айналымда ол израильдік Май Эмиахуға есе жіберді. Қарсылас бір ғана «юко» нәтижелі әдісінің арқасында жеңіске жетіп, Серікті турнирден шығарды.

Айта кетейік, биыл қаңтар айында Азима Серік Оралда өткен Қазақстан чемпионатында күміс жүлде иеленген болатын.

Ал Қазақстан құрамасының қоржынында әзірге төрт медаль бар: бір алтын, бір күміс және екі қола. Жалпыкомандалық есепте біздің команда уақытша үшінші орында келеді.

Біздің серіктес: 200 000 фрибетті ұтысқа саламыз – арнаға жазыл және батырманы бас