Ресей дзюдодағы жарыста мемлекеттік туымен шығады

Дзюдодан 28-30 қараша аралығында Абу-Дабиде (БАӘ) өтетін Grand Slam турнирінде Ресей өз туымен өнер көрсетуге мүмкіндік алды, деп хабарлайды Sport12.kz

Мұндай шешім Халықаралық дзюдо федерациясының (IJF) басшылығы тарапынан жарияланды.

IJF ресми сайтындағы мәлімдемеге сәйкес, Ресей тарихи тұрғыдан әлемдік дзюдода жетекші елдердің бірі болып саналады. Спортшылардың құқықтарын қалпына келтіру барлық деңгейдегі жарыстарды байытады және Халықаралық федерация қағидаттарына — әділдікке, инклюзивтілікке және құрметке толық сәйкес келеді деп күтілуде.

IJF әлі де Олимпиада хартиясына және спорттық қағидаларға сәйкес ешқандай кемсітушілікке жол бермей, барлық мүшелерге тең қарау ұстанымын сақтайды. Спорт - ең күрделі қақтығыс жағдайларында да адамдар мен ұлттарды біріктіретін соңғы көпір. Спортшылар үкіметтер немесе ұлттық институттардың шешімдеріне жауапты емес, сондықтан оларды қорғау — біздің парызымыз.

Спорт бейтарап, тәуелсіз және саяси ықпалдан ада болуы тиіс. Бейбітшілік, бірлік және достық құндылықтарына негізделген дзюдо геосаяси жоспарлардың алаңына айналуға жол бере алмайды. Ұлттық өкілдікті толық қалпына келтіру туралы шешім IJF-тің өз этикалық принциптеріне, сондай-ақ бұл спорт түрінің күші мен тұтастығына деген сенімін көрсетеді. IJF Атқару комитеті ресейлік спортшыларға ұлттық ту, гимн және символикамен қайтадан жарыстарға қатысуға рұқсат беруге дауыс берді. Бұл құқық Абу-Дабидегі «Үлкен шлем» турнирінен бастап күшіне енеді— делінген IJF ресми мәлімдемесінде.

Айта кетейік, Абу-Даби төрінде өтетін халықаралық турнирге 53 елден 400-ге жуық спортшы қатысады. Ал Қазақстан намысын 14 спортшы қорғайды. Олардың қатарында 2024 жылғы Олимпиаданың қола жүлдегері Ғұсман Қырғызбаев, 2025 жылғы әлем чемпионатының күміс жүлдегері Әбиба Әбужақынова бар.

Біздің серіктес: 200 000 фрибетті ұтысқа саламыз – арнаға жазыл және батырманы бас