Эсмігүл Қуюлова Grand Slam турнирінде алғашқы белдесуде сүрінді

Қазақстанның ең мықты дзюдоистерінің бірі Эсмігүл Қуюлова Абу-Дабиде өтіп жатқан Grand Slam сериясындағы турнирде алғашқы белдесуде-ақ сенсациялық жеңіліске ұшырады.

Қазақстан құрамасының алғашқы сәтсіздігі жарыстың екінші күнінде тіркелді. 63 келіге дейінгі салмақта өнер көрсететін Қуюлова турнирдің басты фавориттерінің бірі саналғанымен, бұл жолы бап пен бағы қатар шаппады.

Қазақстандық дзюдоистің қарсыласы Израиль елінің өкілі Керри Примо болды. Белдесудің шешуші сәтінде Примо жамбас арқылы дәл орындалған қозғалыспен «юко» бағасына тең әдіс жасап, жеңісті өз пайдасына шешті.

Осылайша, Азия чемпионатының қола жүлдегері Эсмігүл Қуюлова араб татамиіндегі жарысын бірінші кездесуден кейін аяқтап отыр.

Біздің серіктес: 200 000 фрибетті ұтысқа саламыз – арнаға жазыл және батырманы бас