Абиба Әбужақынова 2026 жылдағы басты мақсатын атады

Отандық дзюдода кейінгі жылдары табысты өнер көрсетіп жүрген Абиба Әбужақынова келесі жылдағы жоспарымен бөлісті, деп хабарлайды Sport12.kz

«2026 жылдың басты жарысы - қыркүйек айында Жапонияда өтетін жазғы Азия ойындары. Олимпиададан кейін екінші сатыда тұратын кешенді жарыстың тарихына үңілсек, әлі бірде-бір аруымыз чемпион атанпбапты. Осы жетістікті жаңартсам деймін», - деді Абиба Әбужақынова.

Ол Азия ойындарының кестесі әлем чемпионатына кедергісін келтіретінін жасырмады.

«Азия ойындарында дзюдо сайысы әдетте жарыстың соңғы күндері болады. Әлем чемпионаты да қазан айының 4-інде басталады. Егер қос жарыстың арасы 7 немесе 10 күн болса, онда тек Азия ойындарына ғана қатысамын. Әлем чемпионатына екінші құрам барып қалуы ықтимал. Бірақ жеке өзім бірде-бір жаһандық доданы тыс қалғым келмейді», - деп Абиба Әбужақынова өз қауіпін айтты.

Айта кетейік, Әбиба Әбужақынова 2025 жылғы әлем чемпионатында финалға шыққан ел тарихындағы алғашқы отандық ару атанған болатын.

Біздің серіктес: 200 000 фрибетті ұтысқа саламыз – арнаға жазыл және батырманы бас