28.05.2024
Қазақстандық дзюдошы Әбиба Әбужақынова бітпеген пәтер сыйлайтын шығар
Қазақстандық дзюдошы Әбиба Әбужақынова Париж Олимпиадасының жүлдегерлеріне берілетін сыйақы туралы айтты.
- Олимпиадада жеңімпаз атансаңыз мемлекет сізге пәтер мен 250 мың доллар сыйақы береді. Бұған қалай қарайсыз? - Олар жөндеу жұмысы бітпеген пәтер сыйлайтын шығар (күліп). Парижде медаль жеңіп алсам, пәтерді өзім сатып аламын. Қазір тұрып жатқан үйім тар, сондықтан кеңірек баспанаға көшкім келеді. Қалған ақшаға автокөлік аламын, - деді Әбиба.
48 кг салмақта сынға түсетін Әбиба Әбужақынова Абу-Дабиде өткен әлем чемпионатында қола медаль еншілеген еді. Осылайша, әлем біріншілігінің екі дүркін қола жүлдегері атанды.
Айта кетейік, Париж Олимпиадасы 26 шілде мен 11 тамыз аралығында өтеді.