Қазақстан дзюдо федерациясының президенті балуандармен кездесті

Қазақстан дзюдо федерациясының президенті Қуанышбек Есекеев Ұлттық дзюдодан Қазақстан ұлттық құрама спортшыларымен кездесті. 

Бұл жөнінде Қазақстан дзюдо федерациясы мәлім етті.

Дзюдодан Қазақстан Ұлттық құрама командасы Астанада Жақсылық Үшкемпіров атындағы жекпе-жек сарайында Азия чемпионаты қарсаңында оқу-жаттығу жиынын өткізіп жатыр. 

Қазақстан дзюдо федерациясының президенті Қуанышбек Есекеев Азия чемпионатына дайындық барысымен танысты. Сондай-ақ, кездесуге Халықаралық дзюдо федерациясының президентінің кеңесшісі Алмаз Әлсенов қатысты. 

Жаттығу аясында Федерация президенті құрама бапкерлері мен спортшыларының ұсыныс-тілегін тыңдап, Азия чемпионатына сәттілік тіледі.