25.04.2025
Дзюдодан Азия чемпионатында қазақстандық төрт балуан қолаға таласады
Фото: Спортты дамыту дирекциясы
Таиланд астана Бангконкта дзюдодан ерлер және әйелдер арасында Азия чемпионатында қазақстандық төрт балуан қола жүлдеег таласады, деп хабарлайды, деп хабарлайды Sport12.kz Қазақстан дзюдо федерациясына сілтеме жасап.
Жарыстың алғашқы күнінде Қазақстан құрамасының төрт бірдей спортшысы қола жүлде үшін күресуге мүмкіндік алды.
Іріктеу кезеңінде жартылай финалға дейін қарсылас шақ келтірмеген отандастарымыз, финалдық кезеңде жарыстың қола жүлдесі үшін күреседі.
Нұрәділ Әлжан (-60 кг) тәжікстандық Мухаммадсолех Куватовпен, дәл осы салмақта Шерзод Давлатов Өзбекстан спортшысы Бахром Ботуровпен кездеседі.
66 келіге дейінгі салмақ дәрежесінде Ержан Еренғайыпов Азия чемпионатының қола жүлдесін тәжікстандық Нурали Эмомалимен сарапқа салады.
Әйелдер құрамасынан 48 келіге дейінгі салмақ дәрежесінде жұбаныш финалына жолдама алған Ғалия Тынбаева тайпейлік Чен Хао Линмен белдеседі.
Айта кетерлігі, Азия чемпионатының финалдық кезеңдері Астана уақытымен сағат 15:00-де басталады.
