25.04.2025
Азия чемпионаты: Ғалия Тынбаева қола жүлдегер атанды
Азамат Бақи
Фото: Спортты дамыту дирекциясы
Қазақстандық дзюдошы Ғалия Тынбаева Таиланд астанасы Бангкокта өтіп жатқан Азия чемпионатында қола жүлде жеңіп алды.
48 келіге дейінгі салмақ дәрежесінде сынға түскен отандасымыз қола медаль үшін белдесуде тайпейлік Линь Чэнь-Хаоны жеңіп шықты.
Тынбаева бәсекені екінші айналымнан бастап, Вьетнам мен Таиланд дзюдошыларын жарыстан ығыстырған еді. Ал жартылай финалда спортшымыз жапон өкіліне жол берді.
