27.04.2025
Азия чемпионаты: Үш қазақстандық дзюдошы қола медаль үшін күреседі
Азамат Бақи
Фото: Спортты дамыту дирекциясы
Таиланд астанасы Бангкок қаласында өтіп жатқан дзюдодан Азия чемпионатының үшінші жарыс күнінде ұлттық құраманың үш спортшысы қола жүлде үшін таласады, деп хабарлайды Sport12.kz.
Жұбаныш белдесулерінде 90 келіге дейінгі салмақта Мейірлан Максим Оңтүстік Корея спортшысы Ким Чон Хунды, ал Ермахан Әнуарбеков Түркіменстандық Мамедали Ачылдыевты жеңіп, қола медальға таласу мүмкіндігіне ие болды.
Ал +78 келі салмақ дәрежесінде Назгүл Маратова мен Ақерке Рамазанова татамиге шықты. Бұл жұпта Ақерке қарсыласынан басым түсіп, жүлделі орын үшін күресуге жолдама алды.
Финалдық белдесулер Қазақстан уақытымен 15:00-де басталады.
