9 сағат бұрын
IJF рейтингі жаңарды: Әбиба Әбужақынова үздік үштіктің қатарында
Азамат Бақи
Фото: IJF
Халықаралық дзюдо қауымдастығы (IJF) Тәжікстан астанасы Душанбеде өткен Grand Slam турнирінен кейін әлемдік рейтингті жаңартты, деп хабарлайды Sport12.kz.
48 келіге дейінгі салмақта күресетін отандасымыз Әбиба Әбужақынова жаңартылған рейтингте 4888 ұпаймен бір саты көтеріліп, үшінші орынға тұрақтады.
Аталған салмақта моңғолиялық Бавуудоржийн Баасанхуу (5330 ұпай) көш бастап тұр. Екінші орында Швеция өкілі Тара Бабулфат (5141 ұпай) келеді.
Айта кетейік, Әбиба Душанбеде өткен Grand Slam турнирінде 48 келіге дейінгі салмақ дәрежесінде сынға түсіп, қола жүлдегер атанған еді.
