Астанадағы турнирде Талғат Орынбасар алғашқы белдесуінде жеңіске жетті

Астана қаласында өтіп жатқан дзюдодан Qazaqstan Barysy Grand Slam турнирінде 60 келі салмақта алғашқы белдесуінде қазақстандық үш балуан жеңіске жетсе, біреуі қарсыласына есе жіберді деп хабарлайды Sport12.kz.

Отандасымыз Талғат Орынбасар іріктеу белдесуінде моңғолиялық Баттсерен Энебишті жеңді.

Ал Дәурен Сүюкенов (60 келі) болса алғашқы белдесуінде жеңіліс тапты. Қазақстандық спортшы Солтүсік Корея өкілі Ли Харимге есе жіберді.

Ал одан бұрын Мағжан Шамшадин мен Бақытжан Аман жарысты жалғастыруға мүмкіндік алды.

Аталған жарыс нәтижесінде IJF ережелеріне сәйкес жарыстың жеңімпаздары мен жүлдегерлері арасында әлемдік және олимпиадалық рейтингілерде ұпайлар бөлінеді. Атап айтқанда, І орын үшін — 1 мың, күміс жүлдегерге — 700, ал қола медаль алғанға 500 ұпай есептеледі.