Астанадағы турнирде екі дзюдошымыз алтынға таласады

Астана қаласында жалауын желбіреткен дзюдодан Qazaqstan Barysy Grand Slam турнирінде екі спортшымыз финалға шықты, деп хабарлайды Sport12.kz.

60 келіге дейінгі салмақ дәрежесінде ел намысын қорғаған Талғат Орынбасар жарыстың барлық кезеңінен сүрінбей өтіп, шешуші белдесуге жолдама алды. Ол финалда ресейлік Изнаур Сааевпен бас жүлдені сарапқа салады.

Сондай-ақ, осы салмақтағы өзге де дзюдошыларымыз – Аман Бақытжан мен Мағжан Шамшадин қола жүлде үшін күреседі. Аман француз спортшысымен күш сынасса, ал Мағжан Оңтүстік Корея өкілімен татамиге шығады.

Одан бөлек 66 келіге дейінгі салмақта Ғұсман Қырғызбаев та алтын медаль үшін ресейлік Рамазан Абдуллаевпен шын мықтыны анықтайды.

Айта кетейік, финалдық белдесулер 17:00-де басталады.