Qazaqstan Barysy Grand Slam: Екі дзюдошымыз қола жүлде үшін күреседі

Астанада өтіп жатқан дзюдодан әлемдік Qazaqstan Barysy Grand Slam турнирінің екінші жарыс күнінде қазақстандық спортшылар финалға жолдама ала алмады, деп хабарлайды Sport12.kz.

Дегенмен, екі бірдей отандасымыз қола медаль үшін татамиге шығады.

73 келіге дейінгі салмақ дәрежесінде Есет Қуанов грузиялық Михейли Бахбахашвилимен кездессе, 81 келіде Абылайхан Жұбаназар италиялық Кристиан Парлатиге қарсы белдеседі.

Финалдық белдесулер 17:00-де басталады. Тікелей трансляцияны ел назарына Qazsport телеарнасы ұсынады.

Айта кетейік, Әлемдік Qazaqstan Barysy Grand Slam 2025 турнирі 11 мамырға дейін жалғасады. Жарыс Астанадағы Жақсылық Үшкемпіров атындағы Жекпе-жек сарайында өтіп жатыр. Биылғы бәсекеге 44 елден 358 спортшы қатысуда.