Астанадағы әлем чемпионатында Даяна Федосова 2 дүркін Парадимпиада чемпионын жеңді

Бүгін, 13 мамырда Астана қаласында пара дзюдодан әлем чемпионаты басталды., деп хабарлайды Sport12.kz.

Қазақстан Республикасының пара дзюдо федерациясының хабарлауынша, қазірге дейін J2 санаты бойынша 81 келідегі Бексұлтан Құлмырза 1/8 финалда Германиядан келген Самуеэль Ван Мелледен айласын асырды.

Сондай-ақ J1 санаты бойынша 70 келідегі Асылан Нұрдәулетов Паралимпиада ойындарының қатысушысы, Португалия спортшысы Мигел Виераны мерзімінен бұрын жеңіп кетті.

Оған қоса J1 санаты бойынша 46 келідегі Айназ Куралова өзге отандасымыз Салтанат Акпакованы иппонмен ұтты.

Ал J1 санаты бойынша 64 келідегі Мұрат Мадинов алғашқы айналымда Панамерикан чемпионы Дэвид Гомезті (Аргентина) таза жеңіп, ширек финалға өтті.

Жаһандық додада J2 санаты бойынша 60 келідегі Даяна Федосова 1/8 финалда 2 дүркін Парадимпиада чемпионы атанған Германия өкілі Рамона Бруссигті жеңді