Пара дзюдо:Даяна Федосова Астанадағы әлем чемпионатында жартылай финалға шықты.

Астана қаласында өтіп жатқан пара дзюдодан әлем чемпионатында 2024 жылғы Париж Олимпиадасының қола жүлдегері Даяна Федосова (60 келі) жартылай финалға шықты, деп хабарлайды Sport12.kz.

Ширек финалда ол J2 санаты бойынша 60 келідегі Даяна Федосова 1/4 финалда Түркия спортшысы Донду Есілюртке еш мүмкіндік қалдырмады.

Оған дейін Даяна Федосова 1/8 финалда Германия өкілі Рамона Бруссигті жеңді.

Даяна Федосова 2001 жылы Қызылорда қаласында дүниеге келген. 2024 жылы Париж Олимпиадасында қола алса, 2020 жылы Токио Олимпиадасында ширек финалда сүрінді.

Жарыстың өтуіне Халықаралық зағиптар спорт федерациясы (IBSA) қолдау білдірді. Онда 2028 жылы АҚШ-тың Лос-Анджелес қаласында өтетін Паралимпиадаға маңызды рейтингтік ұпайлар сарапқа салынады. 

Жаһандық додада 10 салмақта жүлде жиынтығы сарапқа салынады. Ерлер 70, 81, 95, 95 келіден жоғары салмақта белдессе, әйелдер 52, 60, 70, 70 келіден жоғары салмақта жүлдеге таласады.

Дүбірлі додада сағат 10:00–13:00 аралығында іріктеу белдесуі болса, 15:30–17:00 шамасында финал белгіленген.

Кейінгі үш жылда Астанада дзюдодан Grand Prix сериясының кезеңдері мен 2023 жылғы Азия чемпионаты ұйымдастырылды. Осындай маңызды жарыстарды өткізу арқылы еліміз пара дзюдодан әлем чемпионатын қабылдауға лайықты екенін көрсетті.