Қазақстандық пара дзюдошылар әлем чемпионатының алғашқы күнінде бес жүлде алды

Пара дзюдодан алғаш рет Астанада өтіп жатқан әлем чемпионатының бірінші жарыс күні жерлестеріміз үшін сәтті өтті, деп хабарлайды Sport12.kz

Жарыстың бірінші күні Қазақстан құрамасы 1 алтын, 1 күміс және 3 қола жүлде еншіледі. Өкінішке қарай, бәсекенің басты фавориті саналған, Париж Паралимпиадасының чемпионы Ақмарал Науатбек ереже бұзғаны үшін, жарыстан шығып қалды.

Қазақстандық жүлдегерлер тізімі:

* Бексұлтан Құлмырза — алтын (81 келі, J2 санаты)

* Ғалымжан Смағұлұлы — күміс (81 келі, J2 санаты)

* Ерғали Шамей — қола (81 келі, J1 санаты)

* Даяна Федосова — қола (60 келі, J2 санаты)

* Айназ Куралова — қола (46 келі, J1 санаты)

Ертеңгі жарыс күні таңғы 10:00-де басталады.