Әлем чемпионаты: Қазақстан дзюдо құрамасы жартылай финалға шықты

Астанада өтіп жатқан пара дзюдодан әлем чемпионатында командалық жарыста қазақстандық балуандар Моңғолиядан басым түсті, деп хабарлайды Sport12.kz.

IBSA Judo World Championships Astana бәсекесінің шешуші күні ел құрамасы қарсыласын 4:1 есебімен жеңді.

 Нәтижесінде жартылай финалға жолдама алды.

Смағұлұлы - Енкхтуиа - 1:0

Өтепов - Даштсерен - 0:10

Ұлданов - Ядамсурен - иппон

Шамей - Галбадрах - иппон

Ажғалиев - Лхагвадорж - иппон.

Айта кетсек, 13-14 мамыр күндері әлем чемпионатында жекелей сындағы белдесулер аяқталды.

Жаһандық додада 10 салмақта жүлде жиынтығы сарапқа салынды. Ерлер 70, 81, 95, 95 келіден жоғары салмақта белдессе, әйелдер 52, 60, 70, 70 келіден жоғары салмақта жүлдеге таласты.

Сондай-ақ, Халықаралық дзюдо федерациясы тәжірибе ретінде Олимпиада салмағына кірмейтін 2 салмақта (ерлерде 64, әйелдерде 46 келі) жүлде сарапқа салынды.

Әлем чемпионатында екі күннің қорытындысы бойынша ел құрамасы жекелей сында 2 алтын, 2 күміс және 5 қола жүлде еншіледі.

J2 санатынан Бексұлтан Құлмырза (81 келі) мен Жұрқамырза Шүкірбеков (95 келіден жоғары) алтын алса, Ғалымжан Смағұлұлы (81 келі) мен J2 санатында Аяла Мереке (70 келі) күміс жүлдеге қол жеткізді.

J1 санаты бойынша Ерғали Шамей (81 келі), Айназ Құралова (46 келі), Бағланбек Оңалбек (95 келіден жоғары), Ерлан Өтепов (95 келіден жоғары), J2 санатында Даяна Федосова (60 келі) қола жүлдегер болды.