1 күн бұрын
Жарыстан шеттетіп тастады: Қуат Хамитов неге жекпе-жекке шықпай жүр?
Қазақстандық ММА жауынгері Қуат Хамитов неге жекпе-жекке шықпай жүргені жөнінде Sport12.kz YouTube арнасына берген сұхбатында мәлім етті.
Оның айтуынша, оның саяси көзқарасына байланысты көптеген жарысты ұйымдастырушылар оны жарысқа қатысудан шеттетіп тастаған. Соның салдарынан ол елімізде өтетін бірқатар сайысқа қатыса алмай келеді.
Айта кетсек, ол еліміздегі кейбір саяси жағдайларға байланысты көзқарасын ашық білдіріп келеді. Оған қоса қазақстандық футбол жайында өткір сын айтып, оның болашағы жоқ екенін жиі тілге тиек етеді.
Қуат Хамитов 1988 жылдың 23 наурызында дүниеге келген. 2011 жылдан бері кәсіпқой аренада сынға түсіп келеді.
