Шавкат Рахмоновтың келесі қарсыласы — Усман немесе Белал болуы мүмкін

UFC ұйымындағы жартылай орта салмақтағы қазақстандық файтер Шавкат Рахмоновтың (19-0) менеджері Саят Әбдірахманов шәкіртінің октагонға қашан оралатыны жайлы пікір білдірді.

«Ислам (Махачев) пен Маддалена (Джек Делла) қараша айында жекпе-жек өткізеді деп болжасақ, Шавкат үшін де сол уақыт шамасында шығу дұрыс шешім болар еді. Бұл – чемпионмен бір күнтізбеде болу үшін маңызды.

Дивизион дамып келеді, жаңа есімдер шығып жатыр. Сондықтан ең бастысы – денсаулығы жақсы болса болғаны. Егер денсаулығына байланысты еш қиындық болмаса, қарашада Камару Усман немесе Белал секілді қарсыластарға қарсы жекпе-жекке шығуға неге болмасқа», – деді Әбдірахманов Sport24-ке берген сұхбатында.

Біздің серіктес: 200 000 фрибетті ұтысқа саламыз – арнаға жазыл және батырманы бас