Хабиб пен Макгрегор арасында не үшін жекпе-жек өтпейді

UFC-дің бұрынғы жауынгері Чейл Соннен Хабиб Нурмагомедов пен Конор Макгрегор арасындағы көптен күткен екінші жекпе-жектің не себепті ұйымдастырылмағанын түсіндірді, деп хабарлайды sport12.kz.

2018 жылдың қазанында өткен алғашқы кездесуде Хабиб төртінші раундта ирландиялық қарсыласын «сабмишн» әдісімен жеңіп, жеңіл салмақтағы чемпиондық белбеуін алғаш рет қорғаған еді.

Сонненнің айтуынша, реваншқа кедергі болған басты фактор – салмақ дәрежесін дұрыс таңдай алмау.

«Екінші айқасты 155 фунтта емес, 170 фунтта өткізсе, ол жүзеге асар еді. Бұл тек Хабиб пен Конорға қатысты емес, Ислам Махачевтің де жағдайы ұқсас. Сіз Исламның мансабын Хабиб сияқты ерте аяқтатуыңыз мүмкін немесе оны жартылай орта салмаққа өткізе аласыз. Бір салмаққа қайта-қайта түсу – спорттағы ең ауыр сынақтардың бірі», – деді Соннен WiseNuts подкастында.

Біздің серіктес: 200 000 фрибетті ұтысқа саламыз – арнаға жазыл және батырманы бас