Тони Фергюсон: «UFC-де тек Макгрегор немесе Хабибпен айқасқым келеді»

41 жастағы UFC-дің жеңіл салмақтағы бұрынғы уақытша чемпионы Тони Фергюсон октагонға қайта оралуға дайын екенін айтты.

«UFC-де тек екі жекпе-жекке шыққым келеді – Конор Макгрегормен немесе Хабибпен. Түсінесіздер ме? Хабиб әлемдік турын аяқтаған соң бірден айқасуға дайынмын. Арамызда аяқталмаған іс бар. Бірақ олар менімен ешқашан жекпе-жекке шықпайды деп ойлаймын. Маған олар бұған барғысы келмейтін сияқты», — деді америкалық Bloody Elbow басылымына берген сұхбатында.

Фергюсон ұзақ уақыт бойы жеңіл салмақтағы ең мықты файтерлердің бірі болып саналды: ол қатарынан 12 жеңісіне қол жеткізіп, уақытша чемпиондық белбеуді иеленген еді. Алайда 2020 жылы Джастин Гэтжиден жеңілгеннен кейін жағдай өзгере бастады — содан бері америкалық спортшы жеті жекпе-жекте қатарынан жеңіліп, дивизионның топ-бойшысы мәртебесінен айырылды.

Біздің серіктес: 200 000 фрибетті ұтысқа саламыз – арнаға жазыл және батырманы бас