Конор МакГрегор Ақ үйде жекпе-жекке шығады

UFC-дің бұрынғы қос салмақ дәрежесіндегі чемпионы Конор МакГрегор тарихтағы ең ірі турнирге қатысу үшін ресми келісімшартқа қол қойғанын мәлімдеді. Ирландиялық спортшының айтуынша, жекпе-жек келесі жылы жазда АҚШ-тың 250 жылдығына орай Ақ үйде өтеді.

«Келісім аяқталды, бәрі мақұлданды және қол қойылды. МакГрегор Америка тәуелсіздігінің 250 жылдығына орай Ақ үйде жекпе-жекке шығады», – деді файтер Шон Ханнитиге берген сұхбатында.

Сондай-ақ ол UFC президенті Дана Уайтпен серіктестігінің тағы да үлкен бизнеске айналатынын атап өтті. «Мен UFC тарихындағы ең табысты спортшымын. Олар жақында Paramount компаниясымен 7,7 млрд долларлық келісім жасасты. Мен шоу жасауға дайынмын!» – деді МакГрегор.

Бұған дейін Дана Уайт «Ноториустың» мерейтойлық турнирді бастау немесе кем дегенде оған қатысу мүмкіндігін жоққа шығармаған еді. Алдағы қарсыласы ретінде Майкл Чендлер аталып отыр.

Біздің серіктес: 200 000 фрибетті ұтысқа саламыз – арнаға жазыл және батырманы бас