Арман Царукян титулдық жекпе-жексіз қалды

Арман Царукян жеңіл салмақтағы UFC чемпионы Илия Топурияға қарсы титулдық жекпе-жекке шықпайтын болды. Бұған қоса, армян спортшысы бірден екі титулдық кездесудің де өз қатысуынсыз өту қаупіне тап болуы мүмкін.

Белгілі болғандай, UFC 324 турнирінің басты жекпе-жегі Джастин Гэтжи мен Пэдди Пимблетт арасында өтеді — дәл осы екі боец 70 кг-ға дейінгі салмақта уақытша чемпиондық белбеуді сарапқа салады.

Царукян бұл жаңалыққа бірден теріс реакция танытты. Оның айтуынша, мұндай шешім қисынсыз көрінеді, себебі бұған дейін оның Дэн Хукерге қарсы соңғы жекпе-жегінің жеңімпазы Топурияның келесі қарсыласы болады деп хабарланған еді.

Хукерді екінші раундта сенімді түрде жеңгеніне қарамастан, Царукян ресми титулдық мүмкіндікті ала алмады. Бұл жағдайды UFC президенті Дана Уайт түсіндірді:

«Джастин Гэтжи мен Пэдди Пимблеттің уақытша титул үшін жекпе-жекке шығатынын көрдіңіздер. Бұған дейін Топурия “жеке мәселелерім бар, бірінші тоқсанда айқасқа шықпаймын” деп жазған. Сондықтан Гэтжи – Пимблетт жекпе-жегінің жеңімпазы уақытша чемпион атанып, кейін Топуриямен кездеседі».

Енді Царукянның жағдайы белгісіз күйде қалып отыр. Армян спортшысы Магомед Анкалаев секілді титулға жақындау үшін бірнеше мықты қарсыластарды қатарынан жеңуге мәжбүр болуы мүмкін.

Біздің серіктес: «Ойна, болжа, қатыс!»