Жеңісұлы Naiza ұйымының жаңа чемпионы атанды

Naiza 78 турнирінің басты жекпе-жегі Алматыда өтіп, үлкен қызығушылық тудырды. Клеткада қазақстандық Нұрбек Кабдрахманов (11-3) пен Қытайдан келген этникалық қазақ Балғын Жеңісұлы (19-8) кездесті. Бұл жартылай жеңіл салмақтағы бес раундқа жоспарланған чемпиондық айқас болды.

Кабдрахманов жекпе-жекке қолданыстағы чемпион ретінде шыққан еді. Ол жазда Жеңісұлын алғашқы кездесуінде жеңіп, белбеуді иеленген болатын. Алайда бұл жолғы айқас мүлде басқа бағытта өрбіді. Жеңісұлы агрессия көрсетіп, қарқынды темп ұсынып, қарсыласына өте ыңғайсыз стиль таңуды білді.

Қазылар шешімі бөлінгенімен, басым дауыс Балғын Жеңісұлына берілді. Осылайша ол алғашқы кездесу үшін реванш алып, чемпиондық белбеуді жеңіп, кәсіби мансабындағы 20-шы жеңісін тіркеді.

Нұрбек Кабдрахманов үшін бұл ММА-дағы төртінші жеңіліс болды.

Біздің серіктес: «Ойна, болжа, қатыс!»