Қазақстандық файтер UFC-дің жаңа бонусына ие болды

Қазақстандық аралас жекпе-жек шебері Николай Веретенников UFC тарихында ел намысын қорғаған алғашқы спортшы ретінде жаңа форматтағы бонусқа ие болды.

2026 жылдан бастап UFC ұйымы мерзімінен бұрын аяқталған әрбір жекпе-жек үшін файтерлерге 25 мың АҚШ доллары көлемінде бекітілген бонус төлеуді енгізді. Осы жаңашылдық аясында алғашқы қазақстандық бонус иегері атанған — Николай Веретенников.

Бұл сыйақы оған UFC Fight Night 266 турнирінде (Лас-Вегас, АҚШ) америкалық Нико Прайсты бірінші раундта нокаутқа түсірген жекпе-жегі үшін берілді. Аталған жеңіс Веретенниковтың UFC-дегі екінші табысты жекпе-жегі болды.

Қазіргі таңда Николай Веретенниковтың кәсіби мансабында 14 жеңіс пен 7 жеңіліс бар. Оның ішінде UFC аясында екі жеңіс пен үш жеңіліс тіркелген.

Біздің серіктес: «Ойна, болжа, қатыс!»