Амиров IBA Nomad лигасында өнер көрсетуге дайын

RCC Hard чемпионы Торғынбек Амиров биыл Қазақстанда өткізілуі жоспарланған IBA Nomad лигасына қатысу мүмкіндігіне қатысты ойын айтты.

Спортшының сөзінше, басты шешуші фактор — қаржылық ұсыныс:

«Тек жақсы гонорар болса ғана қатысамын. Қарсыласым кім болатыны маңызды емес», — деді Амиров.

Чемпион формат айырмашылығына да тоқталды:

«Егер қарсылас ретінде қазақ боксшысын берсе де келісемін. Бірақ бұл «кулачка» емес, ММА қолғаптарымен бокс. «Кулачка» — бұл RCC Hard немесе Top Dog сияқты жалаң қолмен ұрыс. Мен кез келген үлкен сынаққа дайынмын», — деп атап өтті Амиров.

Сонымен қатар, ол өз лигасының реакциясына қатысты:

«RCC Hard басшылығы менің басқа лигада өнер көрсетуіме қарсы болмайды. Біз бұл мәселені әрдайым талқылай аламыз», — деді спортшы.

Амиров IBA Nomad турнирінде кез келген қарсыласқа шығуға дайын екенін айтты.

Біздің серіктес: «Ойна, болжа, қатыс!»