Асу Алмабаевке қатысты жағымды болжам жасалды

ММА саласындағы танымал инсайдер, Eurosport Nederland журналисі және Tapology.com редакторы Марсель Дорфф қазақстандық файтер Асу Алмабаевтың UFC-дегі болашағы туралы пікір білдірді.

Маманның айтуынша, Алмабаев үшін дивизионда нұсқалар жеткілікті.

— Дивизионда қарсыластар көп. Меніңше, Алмабаев оралған соң бұрын кездеспеген файтерлермен жекпе-жек өткізеді. Сондықтан бәрі жақсы болады деп ойлаймын, — деді Дорфф.

Айта кетейік, Асу Алмабаев 1 наурыз күні Мехикода өтетін UFC Fight Night 268 турнирінде Брэндон Мореномен басты жекпе-жекте кездесуі тиіс еді.

Қазіргі таңда Алмабаев UFC-дің ең жеңіл салмақ дәрежесінде рейтингте жетінші орында тұр. Мореноны жеңген жағдайда ол чемпиондық жекпе-жекке бір қадам жақындай түсуі мүмкін еді.

Біздің серіктес: «Ойна, болжа, қатыс!»