Туркиге алғашқы Zuffa Boxing чемпиондық белбеуі табысталды

UFC президенті Дана Уайт пен WWE басшысы Ник Хан Лас-Вегаста өткен салтанатты рәсімде Турки Аль аш-Шейх-ке алғашқы Zuffa Boxing чемпиондық белбеуін табыстады. Бұл шара жаңа бокс жобасының символдық басталуына айналды.

Сауд Арабиясының Ойын-сауық істері жөніндегі бас басқармасының жетекшісі кездесу туралы әлеуметтік желіде хабарлады.

«Бүгін мен қуаныштымын: Лас-Вегаста ағаларым Дана және Никпен кездестім. Олар маған асыл гауһар тастармен безендірілген алғашқы Zuffa Boxing белбеуін сыйға тартты. Бұл — Zuffa үшін керемет бастама, және бұл белбеуді тек үздіктер ғана жеңіп алады», — деп жазды Турки.

Zuffa Boxing — TKO және Sela компаниялары құрған жаңа бокс промоушені. Жобаны Дана Уайт, Турки Аль аш-Шейх, Ник Хан және доктор Ракан Алхарти басқарады.

Біздің серіктес: «Ойна, болжа, қатыс!»