Қазақстандық файтер жаңа жекпе-жекке дайын

Қазақстандық аралас жекпе-жек шебері Жалғас Жұмағұлов октагонға қайта оралуға дайын екенін мәлімдеді.

«Арыстан қайтадан аң аулауға дайын. Кім дайын?» — деп жазды спортшы әлеуметтік желідегі парақшасында.

Еске салсақ, Жұмағұлов соңғы жекпе-жегін желтоқсан айында өткізді. Ол екі раундтың қорытындысы бойынша чех файтері Давид Дворжакты мерзімінен бұрын жеңіп, Oktagon MMA лигасының ең жеңіл салмақтағы чемпиондық белдігін сәтті қорғады.

Бұған дейін қазақстандық спортшы промоушнда қос чемпион атануды, сондай-ақ әлемдегі басты лига — UFC ұйымына қайта оралуды қалайтынын айтқан болатын. Ол UFC-де 2020–2023 жылдар аралығында өнер көрсетіп, жеті жекпе-жек өткізіп, бір жеңіске жетіп, алты рет жеңіліс тапты.

Біздің серіктес: «Ойна, болжа, қатыс!»