Шавкат Рахмоновтың әйелі сотталды

Таразда Гүлайым Рахмонованың қатысуымен болған адам өліміне әкелген жол апаты бойынша сот ісі аяқталды, деп хабарлайды Sport12.kz

Белгілі қазақстандық ММА жекпе-жек шебері Шавкат Рахмоновтың жұбайына сот 5 жыл бас бостандығынан айыру жазасын және 7 жылға көлік басқару құқығынан айыруды тағайындады.

Алайда ол қазір колонияға жіберілмейді. Кәмелетке толмаған баласының болуына байланысты жазаны өтеу 5 жылға кейінге қалдырылды.

Бұған дейін сот процесі барысында істің қоғамдық резонансын күшейткен жаңа деректер белгілі болды Апатқа дейін бір жыл ішінде Рахмонова жол қозғалысы ережелерін бұзғаны үшін 19 рет әкімшілік жауапкершілікке тартылған.

Апаттың өзі 2025 жылдың жазында Алматы – Екатеринбург тас жолында болған. Айыптау нұсқасы бойынша, жүргізуші түні бойы көлік жүргізіп, шаршағанына қарамастан рөлді басқа адамға бермеген. Соның салдарынан Toyota Land Cruiser жол талғамайтын көлігі басқарудан шығып, қайғылы оқиға орын алып, екі әйел қаза тапқан.

Біздің серіктес: Olimpbet қосымшасын пайдалан