Жансерік Жақсығұлұлы: «Бұл жекпе-жекті мерзімінен бұрын аяқтаймын»

Қазақстандық файтер Жансерік Жақсығұлұлы алдағы жекпе-жек алдында өзіне сенімді екенін мәлімдеді. Оның айтуынша, кездесу ұзаққа созылмайды, деп хабарлайды Sport12.kz.

«Настрой бомба! Бұл жекпе-жекті мерзімінен бұрын аяқтап, белбеуді Қазақстанға қайтарамын. Одан кейін BMF белбеуіне барамын», – деді ол.

Айта кетейік, Жақсығұлұлының кәсіби рекорды ерекше – 9 жекпе-жек, 9 жеңіс және барлығы да мерзімінен бұрын аяқталған.

Ал оның қарсыласы, Naiza лигасының чемпионы Майк Леннарес соңғы рет 2018 жылы жеңіліп, содан бері 7 жекпе-жекте қатарынан жеңіске жеткен.

Еске сала кетейік, Naiza 82 турнирі 2 мамыр күні Алматы қаласында өтеді.

Біздің серіктес: Olimpbet қосымшасын пайдалан