24.08.2023
Шавкат Рахмонов Bellator өкілі Пейджді жекпе-жекке шақырды
![Шавкат Рахмонов Bellator өкілі Пейджді жекпе-жекке шақырды](https://sport12.kz/static/images/news/f243bfd262d7fefcdadadd3542ca826d.jpg?89323164c22223a48fdbd9f4ab5df3a8)
Қазақстандық аралас жекпе-жек шебері Шавкат Рахмонов Bellator-дың топ-спортшысы Майкл Пейджбен айқасқысы келетінін білдірді, деп хабарлайды sport12.kz «Шредингер спорты» Telegram-арнасына сілтеме жасап.
Bellator ұйымының үздігі – 36 жастағы Майкл «Веном» Пейдж жақында ресми түрде UFC қатарын толықтырады. Ол Bellator-дан ауысқаннан кейін UFC титулына үміткер болу үшін бір ғана жекпе-жек өткізген Майкл Чендлердің жолын қайталағысы келеді.
Пейдж топ-5 немесе топ-10 қатарындағы спортшының бірімен жұдырықтасқысы келетінін айтты. Оған жауап ретінде Шавкат Рахмонов «6-шы нөмірге қалай қарайсың?» деп жазды.
«Веномның» ММА-дағы статистикасы – 26-2. Британдық спортшы Bellator чемпиондары – Логан Сторли (уақытша титулды алды) мен Дуглас Лимадан ғана жеңілген. Веном ММА-ға дейін кикбоксингтен әлем чемпионаттарында жеңіске жетті. Ал лақап атын соққы мен каратэні үйлестіре алатыны үшін иеленді. Сондай-ақ ол қолғапсыз жұдырықтасып, кәсіпқой бокста бір жекпе-жек өткізіп үлгерген.
Қазақстандық Шавкат Рахмонов UFC рейтингінде 6-орында тұр.
![](https://sport12.kz/static/images/banners/84941767ae2492f344cc0a89bcdfbb5a.jpg?8f8f7f23bde34b3694225517aa65eeaf)