«Барыс» жеңістің кілтін таба алар емес

Қазақстандық «Барыс» командасы бүгін Құрлықтық хоккей лигасындағы кезекті ойынын елордада Ресейдің «Динамо» (Мәскеу) командасына қарсы өткізді.

Бүгінгі ойында бас бапкер міндетін Евгений Королев атқарды. 

Десе де бұл жолы да «Барыс» жанкүйерлер сенімінен шыға алған жоқ. Ойынның 5-минутында ресейлік клубтан Никита Гусев есеп ашса, Джордан Уил 26-минутта басымдықты арттырды.

Ал елордалық командадан 28-минутта Әлихан Өмірбеков есеп айырмасын қысқартса, Никита Гусев 43-минутта тағы бір мәрте көзге түсті. 

Осылайша «Барыс» қарсыласына 1:3 есебімен есе жіберіп, сәтсіздік сериясын жалғастырды.

Айта кетсек, бұдан бұрын елордалық клуб жеті кездесудің алтауында қарсыластарына есе жіберіп қойды. Салдарынан турнир кестесінде ең соңғы орынды місе тұтып тұр.

Біздің серіктес: 200 000 фрибетті ұтысқа саламыз – арнаға жазыл және батырманы бас