5 сағат бұрын
UFC 5 ойынына қазақстандық жауынгер қосылды
Азамат Бақи
Жеңіл салмақтағы қазақстандық файтер Асу Алмабаев (21-2-0) EA SPORTS UFC 5 бейне ойынына жаңа кейіпкер ретінде енгізілді.
Отандасымыздың ойындағы көрсеткіші төмендегідей.
Дәлдік — 89
Аяқпен жұмыс — 94
Бас қозғалысы — 89
Осылайша Асу Алмабаев аталған ойынның кейіпкері атанған екінші қазақ жауынгері болды. Қазақстанның атынан ең бірінші болып ойында төбе көрсеткен Шавкат Рахмонов (19-0-0) болатын.
Айта кетейік, Асу Алмабаев 1 наурыз күні Лас-Вегаста UFС Vegas 103 турнирінде Стив Эрцегпен жекпе-жек өткізуі керек еді. Алайда Стив жарақатына байланысты октагонға көтерілуден бас тартты. Қазір Асуға жаңа қарсылас ізделу үстінде.
