«Қуат Хамитов - балуан. Мықты болсаң, менімен шық» - Ануарбек «Мотиватор» Петр Янды жекпе-жекке шақырды

«Мотиватор» лақап атымен белгілі Ануарбек Бекембетов UFC жұлдызы Петр Янды әлеуметтік желіде айқасқа шақырды.

«Петр Ян. Көпшілікке доқ көрсетіп жүргенінді байқадым. Боксшы болсаң, менімен шық.

Петя, Петя. Қуат Хамитов - боксшы емес. Ол балуан. Мен шынайы боксшымын. Спорт шебері деген атағым бар. Сен де Ресейдің спорт шеберісің. Кімнің соққысы жойқын екенін өзара тексеріп көрейік. Кез келген ұйымда сенен мықты екенімді дәлелдеп беремін», - деп Ануарбек Бекембетов инстаграмда арнайы видео жолдады.

Ресейлік жауынгер де үнсіз қалмай, Таиландта күш сынастыруға шақырып, әрқашан дайын екенін мәлімдеді.