09.03.2025
Магомед Анкалаев UFC чемпионы атанды
Азамат Бақи
Фото: UFC
АҚШ-тың Лас-Вегас қаласында өткен UFC 313 турнирінің басты жекпе-жегінде ресейлік Магомед Анкалаев (21-1-1) бразилиялық Алекс Перрейраны (12-3) жеңді.
Қос файтер арасындағы жекпе-жек толық 5 раундқа жалғасты. Нәтижесінде төрешілер бірауыздан (49-46, 48-47, 48-47) Анкалаевты жеңімпаз деп таныды.
Одан бөлек жекпе-жек кешінде америкалық Джастин Гэйтжи (26-5) төрешілердің шешімі бойынша Қазақстан тумасы Рафаэль Физиевтен (12-4) басым түсті.
