Шавкаттың салмағындағы айқас: Шон Брэди Леон Эдвардсты мерзімінен бұрын жеңді

Ұлыбритания астанасы Лондондағы «О2 аренада» өткен UFC Fight Night 255 турнирінің басты жекпе-жегінде америкалық Шон Брэди ағылшын файтері Леон Эдвардсты мерзімінен бұрын жеңді.

Жартылай орта салмақтағы (77 келіге дейін) жекпе-жек алғашында 5 раундқа жоспарланған. Алайда, кездесудің төртінші раундында Брэди қарсыласының осал тұсын тауып, қылқындыру әдісімен Леон Эдвардстан басым түсті.

Леон Эдвардс аралас жекпе-жекте 22 кездесу өткізіп, 5-еуінде жеңілген. Бұл оның мерзімінен бұрын жеңілген алғашқы жекпе-жегі.

Ал Брэди үшін бұл — 18-ші жеңіс. Оның жалғыз жеңілісі 2022 жылы Белал Мұхаммадқа қарсы тіркелген еді.