Қазақстандық сарапшы Шавкат Рахмоновтың келесі қарсыласын атады

Қазақстандық спорт сарапшысы және комментатор Исатай Мәді UFC ұйымындағы жеңіліс көрмеген қазақ спортшысы Шавкат Рахмоновтың болашағына қатысты пікір білдірді, деп хабарлайды Sport12.kz.

— Егер Хоакин Бакли Камару Усманды жеңсе немесе керісінше болса, бұл жекпе-жектің жеңімпазы чемпиондық белбеуге бір қадам жақындай түседі. Мұндай жағдайда Шон Брэди мен Шавкатқа тағы бір-бір жекпе-жек өткізуге тура келеді. Бұл жерде мүдделер қақтығысы пайда болуы мүмкін. Сондықтан Шавкат үшін ең қисынды қарсылас — Шон Брэди. Мұның бәрі Шавкаттың жарақатына байланысты. Бірақ ол қазан айында октагонға оралуды жоспарлап отыр. Ал Брэди наурыздағы жекпе-жектен кейін дайын болады, — деді Исатай Мәди