Шавкат Рахмоновтың алдағы қарсыласы кім болады?

Қазақстандық спорт сарапшысы және комментатор Исатай Мәди UFC-дің жеңілмеген жауынгері, қазақстандық Шавкат Рахмоновтың болашағы туралы пікірімен бөлісті, деп хабарлайды Sport12.kz.

- Егер Хоакин Бакли Камара Усманды жеңсе немесе керісінше болса, онда бұл жекпе-жектің жеңімпазы атаққа жақын болады. Содан кейін Шон Брэди тағы бір жекпе-жек өткізуі керек. Ал Шавкат тағы бір жекпе-жек өткізуі тиіс. Шавкаттың ең қисынды қарсыласы - Шон Брэди. Көп мәселе Шавкаттың жарақатына байланысты болады. Бірақ ол қазан айында октагонға оралуды жоспарлап отыр. Сәйкесінше наурыз айындағы жекпе-жектен кейін Брэди дайын болады, - деді Исатай Мәди «Azamat Sport» YouTube арнасында.

Еске салайық, американдық спортшы Шон Брэди 22 наурызда UFC Fight Night 255 турнирінде жартылай орта салмақтағы экс-чемпионы Леон Эдвардсты мерзімінен бұрын жеңді.