Аян Тұрсын: Байдың қызы болсам, октагонға шықпас едім

Қазақстандық ММА жауынгері Аян Тұрсын жеке өміріндегі қиындықтар жайлы айтты, деп хабарлайды Sport12.kz

«Егер өмірім жақсы болып, байдың қызы болсам, төбелеспес те едім. Әкем ерте қайтыс болды, анам біраз қиындық көрді — үш баланы жалғыз өзі өсіріп жеткізді. Қазір менің анам — мен үлгі тұтатын адам. Ол көп сынақтан өтті. Егер мен сол қиындықтарды көрмегенімде, бәлкім, мен сәтсіздіктерден кейін сынып кетер ме едім. Менің анам — мықты адамдардың бірі. Мен оған өмірдің барлық жақсылығын көрсеткім келеді. Мысалы, оны саяхатқа шығарып, әлемді танытқым келеді. Ең үлкен арманымның бірі — анамды қажылыққа, Меккеге апару», — деді Аян.

Айта кетейік, Аян Тұрсын бірер ай бұрын мансабында алғаш рет Қырғызстан өкілі Фарида Абуеваға күтпеген жерден есе жіберген болатын.