Қазақстан жазғы Сурдлимпиада ойындарында 25 медаль жеңіп алды

Бүгін 26 қарашада Токио қаласында XXV-ші жазғы Сурдлимпиада ойындарының ресми жабылу салтанаты өтті, деп хабарлайды Sport12.kz

Байрақты бəсекеде Қазақстан ұлттық құрамасы 8 алтын, 4 күміс жəне 13 қола медаль жеңіп, 81 елдің ішінде медальдік есепте 9-шы орынға тұрақтады.

Сурдлимпиада ойындарының салтанатты жабылу рəсімі Токио метрополитен гимназиясында Жапония елінің ханшайымы Како Аксино, Токио қаласының мэрі Юрико Коикэ жəне халықаралық Сурдлимпиада комитетінің президенті Адам Косаның қатысумен өтті.

Командалардың шеруінде еліміздің көк байрағын жеңіл атлетикадан XXV жазғы Сурдлимпиада ойындарының қола жүлдегері Нұрсұлтан Кульдеев пен жүзуден ұлттық құрама спортшысы Мария Сотникова алып шықты. Салтанатты рəсім барысында Халықаралық Сурдлимпиада комитетінің президенті Адам Коса ойындардың аяқталғанын хабарлап, спортшыларға алғысын білдірді.

Айта кетейік, XXV жазғы Сурдлимпиада ойындары Жапония астанасы Токио қаласында 15–26 қараша аралығында өтті. Бұл төрт жылда бір ұйымдастырылатын есту қабілеті зақымданған спортшылар арасындағы ең беделді халықаралық жарыс. Додаға 81 елден 3000-ға жуық спортшы қатысып, 21 спорт түрі бойынша 209 дисциплинада бақ сынады. Қазақстан ұлттық құрамасы 78 спортшымен 8 спорт түрінен өнер көрсетті.

Биылғы Сурдлимпиадада Қазақстан құрамасы үшін ең нəтижелі спорт түрі сурдо дзюдо болды. Бұл сында отандастарымыз 5 алтын, 2 күміс жəне 4 қола медаль жеңіп алып, барлығы 11 жүлдеге қол жеткізді.

Еркін күрестен 1 алтын, 1 күміс жəне 3 қола медаль олжаланса, грек-рим күресінде ұлттық құрама қоржынына 1 алтын, 1 күміс жəне 1 қола жүлде түсті. Жеңіл атлетикада Қазақстан 1 алтын жəне 1 қола медаль еншілеп, Фаина Мейрманова биіктікке секіру сайысында 1,79 метр нəтижемен Сурдлимпиада рекордын жаңартты. Таеквондошылар керуги дисциплинасында 3 қола жүлдеиеленсе, үстел теннисінен ерлер құрамасы командалық сында қола медальға қол жеткізді.

Біздің серіктес: 200 000 фрибетті ұтысқа саламыз – арнаға жазыл және батырманы бас