Көзге көрінбейтін қаһарман: Қазақстан спортшылары қандай брендтің киімін киеді?

Спортшылардың жеңісі, рекорды немесе Олимпиададағы жетістігі көпшілік назарына бірінші болып түсетіні анық. Ал сол үлкен жетістіктің артында спортшыға жан-жақты қолдау көрсететін – бапкерлік штаб, медициналық топ және олардың имиджін қалыптастыратын киім өндірісі бар екенін көбіміз байқамаймыз.

Әлемдік спорт индустриясы Nike, Adidas, Asics, Joma сынды алпауыт брендтердің ықпалында екені жасырын емес. Қазақстан спортшылары да ұзақ жылдар бойы шетелдік компаниялар өндірген формаларды пайдаланып келеді. Оның жарқын мысалы – 2018 жылғы Пхенчхан қысқы Олимпиада (жапонияның Mizuno компаниясы), 2022 жылғы Бейжің қысқы Олимпиадасы (ресейлік дизайнер) және 2024 жылғы Париж Олимпиадасында Joma сынды шетелдік брендтердің қазақ спортшыларын киіммен қамтамасыз етіп отырғанын айтуға болады.

Спорт формасы – жай ғана жейде немесе шалбар емес. Ол спортшының дене құрылымы мен қозғалыс ерекшелігіне бейімделген, температура ауытқуына төзімді, жоғары технологиялы материалдардан жасалатын функционалды өнім. Қазақстанда мұндай материалдарды толық көлемде өндіру әзірге қиын. Соған қарамастан, отандық жеңіл өнеркәсіп соңғы жылдары спорт киімі сегментіне белсенді түрде бет бұрып отыр.

Солардың ішінде Алматыдағы «BLS GROUP» ЖШС ерекше аталады. Компания 2015 жылдан бері спорттық киім тігумен айналысып, жергілікті нарықта тұрақты орынға ие болды. Кәсіпорын сапалы материал пайдаланып, командаларға да, жеке спортшыларға да кәсіби деңгейде қызмет көрсетеді. Қазіргі таңда компанияда шамамен 50 адам жұмыс істейді және олар 10 жыл ішінде Қазақстан ұлттық құрамасының имиджін қалыптастыруға елеулі үлес қосты.

Париж Олимпиадасы қарсаңында «BLS GROUP» отандық спортшыларды киіммен қамтамасыз ететін негізгі үміткерлердің бірі болды.

Бұдан бөлек, жақында өткен Эр-Риядтағы VI Ислам Ынтымақтастығы ойындарында Қазақстан құрамасының 100-ге жуық спортшысын толықтай киіндіру құқығын жеңіп алды.

Компанияның есімі 2021 жылғы Швейцариядағы жасөспірімдер қысқы Олимпиадасынан, 2022 жылғы жазғы Сурдлимпиада ойындарынан да көрінді.

Сондай-ақ жанкүйерлер ерекше назарда ұстайтын ҚР бокс федерациясы да өз таңдауын осы компанияға берген.

Спортшылар формасындағы ұлттық өрнектер, түстер мен мемлекеттік нышандар – елдің беделін әлемдік аренада танытатын символдар. Сол жауапкершілікті мойнына алып, көлеңкеде қалатын жұмыс атқарып жүрген отандық өндірушілер шынында да, көзге көрінбейтін қаһармандар.

Біздің серіктес: 200 000 фрибетті ұтысқа саламыз – арнаға жазыл және батырманы бас