Михаил Шайдоров Гран-при сериясының финалындағы жарыс жолын бастайды

Бүгін Нагоя (Жапония) қаласында мәнерлеп сырғанаудан басты жарыстардың бірі - Гран-при сериясының финалдық бәсекесі басталады, деп хабарлайды Sport12.kz

Ерлер 4 желтоқсаннан 5 желтоқсанға ауған түні 00:15-те қысқа бағдарламада және 6 желтоқсаннан 7 желтоқсанға ауған түні 00:00-де еркін бағдарламада сынға түседі.

Бұл жерде Гран-при кезеңінде ең көп ұпай жинаған 6 спортшы ғана жүлдеге таласады.

Жолдама алғандар:

Илья Малинин (2 дүркін әлем чемпионы, АҚШ) – 30 ұпай;

Юма Кагияма (Олимпиада мен әлем чемпионатының бірнеше мәрте жүлдегері, Жапония) – 30 ұпай;

Шун Сато (былтырғы гран-при финалдық жарысының қола жүлдегері, Жапония) – 28 ұпай;

Адам Сяо Хим Фа (әлем чемпионатының қола жүлдегері, Франция) – 26 ұпай;

Михаил Шайдоров (Қазақстан) – 24 ұпай;

Дэниэль Грассль (2024 жылғы қысқы Универсиаданың чемпионы, Италия) – 20 ұпай.

Еске сала кетейік, Шайдоров қазан айында Қытайдың Чунцин қаласындағы Cup of China турнирінде қола (11 ұпай), ал бір апта бұрын АҚШ-тың Лейк-Плэсид қаласында өткен Гран-приде күміс жүлдеге (13 ұпай) қол жеткізді.

Михаил Шайдоров өткен маусымда да Гран-при финалына қатысып, 5-орынға тұрақтаған еді.

Біздің серіктес: «Ойна, болжа, қатыс!»