Самоделкина келесі Олимпиадада алтын алуды көздейді

Қазақстандық мәнерлеп сырғанаушы Софья Самоделкина 2026 жылғы Олимпиададан кейін елге оралып, жанкүйерлерге алғыс білдірді және болашақта алтын жүлде үшін таласатынын мәлімдеді.

Милан мен Кортина-д’Ампеццода өткен қысқы Олимпиадада Самоделкина әйелдер арасындағы жекелей сында қысқа және еркін бағдарламалар қорытындысы бойынша оныншы орынға тұрақтады. 19 жастағы спортшы үшін бұл — Олимпиададағы алғашқы қатысуы.

Өз сөзінде ол қазақстандық жанкүйерлердің қолдауы ерекше күш бергенін атап өтті. Сондай-ақ отандасы, ерлер арасында Олимпиада чемпионы атанған Михаил Шайдоровтың жетістігін қайталауды мақсат ететінін жеткізді.

«Келесі жолы бұдан да жоғары нәтиже көрсетіп, Михаил секілді алтын медаль әкелуге тырысамын», — деді Самоделкина.

Айта кетейік, Миландағы өнері үшін спортшыға Астанадан бір бөлмелі пәтерге сертификат табысталды.

Біздің серіктес: «Ойна, болжа, қатыс!»