3 күн бұрын
Милан Паралимпиадасының чемпионы Ербол Хамитов Геннадий Головкин жайлы пікірін білдірді
Қанат Байұзақов
Паралимпиада-2026-ның алтын жүлдегері, парашаңғышы Ербол Хамитов әлеуметтік желіде жазба жариялады, деп хабарлайды Sport12.kz.
Қазіргі уақытта Паралимпиада-2026-да Қазақстаннан медаль алған жалғыз спортшы — Ербол Хамитов. Ол Геннадий Головкиннің бір кезде айтқан өсиетін еске алды. Бұл сөзді Головкин мәнерлеп сырғанаушы Михаил Шайдоровқа Милан мен Кортинада өткен Олимпиада-2026-да тарихи алтын медаль жеңіп алғаннан кейін айтқан болатын.
«Геннадий Геннадьевич айтқандай, бұл медальдің де екінші жағы бар… Әрқашан адам болып қалыңыздар», — деп жазды спортшы Threads желісінде.
Кеше парабиатлоннан 4,5 шақырымдық спринт жарысында Ербол Хамитов 9:39,0 нәтижемен және бір ғана мүлт кетумен мәреге жетіп, Паралимпиада-2026-ның алтын медалін жеңіп алды.
Біздің серіктес: «Ойна, болжа, қатыс!»
